Die Uitreik Projek vra asseblief vir jou hulp. ENIGE hulp is welkom. Of jy nou ou klere het wat jy nie meer dra nie en dalk van ontslae wil raak en of jy nou goed het in jou huis wat jy nooit gebruik nie en wil weggooi. Daar is mense wat NIKS het nie of baie min het en wie se lewe dalk bietjie makliker gemaak kan word deur jou hulp.
Ons vra ook asseblief vir skenkings van enige nie-bederfbare voedsel, melk, toilet-benodighede en skoonmaak middels.
Jou ou boeke, tydskrifte, gebruikte skryfbehoeftes, ou speelgoed, en ook ou kombuis goed kan wel nog deur iemand anders gebruik word.
Die Uitreik Projek reik uit na persone en gesinne wat in nood verkeer en hulp, voedsel en klere nodig het. Ons skenk ook speelgoed, klere, boeke, kos, ens. aan verskillende Kindertehuise en Ouetehuise as ons skenkings ontvang wat hulle kan help.
Ons is afhanklik van skenkings om ander in nood te help en doen dit met liefde vir liefdadigheid en is nie ‘n winsgewinde projek nie. Ons enigste doel is om mense en gesinne in nood te help soos wat ons opdrag in die Bybel is as die Here in Galasiërs vir ons sê om mekaar se laste te dra.
Daar is heelwat gesinne wat maandeliks hulp, voedsel, toilet-benodighede en skoonmaak middels nodig het. Dan probeer ons ook om elke jaar in Desember 100 hampers op te maak met nie-bederfbare voedsel, toiletbenodighede en skoonmaak middels wat dan uitgedeel word aan hulp behoeftige mense en gesinne. Ons kan dit nie doen sonder die hulp van mense wat omgee en bereidwillig is om te help nie.
Skakel my asseblief as jy op ENIGE manier behulpsaam kan wees of iets het wat jy wil skenk.
Laat weet my ook asseblief as jy bewus is van iemand of ‘n gesin wat in nood verkeer en hulp nodig het.
Baie dankie vir jou tyd en bereidwilligheid om ‘n verskil te maak.
Een alleen kan nie ‘n groot verskil maak nie maar as ons almal saamstaan kan ons ‘n groot verskil maak in ander se lewens!
Seënwense
Bettie Nel
Projek Koördineerder
Uitreik Projek
Kontak nr. : 083 327 2314 / 012 808 1109
E-pos : Kliek hier
