Ons is hier om uit te reik na minderbevoorregtes.
U is welkom om te kontak vir skenkings, hulp, vrae of kommentaar.
Ons beoog om elke paar maande 'n nuusbrief uit te stuur.
Indien u dit wil ontvang, voltooi asb die vorm hier onder.
U kan enige tyd uitteken.
Februarie
2010
Die
Uitreik Projek is besig met 'n
verskeidenheid projekte om onse mense in nood by te staan en te help
deur kos
en klere te skenk, ander huis-artikels, meubels, handdoeke, beddegoed,
gordyne,
kombuisgoed en wat ookal ons van julle kry om te versprei. Baie dankie
vir
elkeen wat iets bygedra het of nog gaan bydra - julle skenkings stel
ons in
staat om hierdie mense te kan help.
Verjaarsdag
Partytjie
is gehou op 29 Januarie en almal (groot en klein) wat in
Januarie en Desember verjaar het, het 'n verjaarsdag geskenk
ontvang. Dit
was baie spesiaal en hulle het dit so waardeer. Lekkergoedpakkies is
uitgedeel
en almal het heerlik saam gekuier en koek geëet. Ons gaan dit
D.V elke einde
van die maand doen. Geskenke, lekkergoed, aanmaak koeldrank,
bestanddele vir
koek, ens. sal baie help om dit elke keer suksesvol te kan doen. Kontak
my
asseblief as jy met enige iets kan help, idees het wat ons kan
gebruik of
iets wil skenk. Baie dankie vir die lekkergoedpakkies
wat gemaak was en
vir die geskenkies wat ek ontvang het. Dit help ongelooflik baie.
Die
mans het almal 'n skroewedraaier
stelletjie ontvang met 'n houer sakdoeke. Die dames het elkeen 'n mooi
bordjie
gekry volgepak met toiletware (handeroom, naelvyl, roll-on, seep,
ens.), Die
seuns het 'n pak speelkaarte gekry met 'n groot stel skryfbehoeftes en
die
dogters handsakkies volgepak met toiletware en kleurlose naellak. Die
kleintjies het sagte speelgoed gekry. Enige geskenkies wat ons hiervoor
kan
gebruik, geskenkpapier, ens. sal waardeer word. Lekkergoed
wat benodig
word is fizzers, pakkies chips, suigstokkies, los lekkers, sherbet,
ens.
Bruinpapier sakkies om dit in te verpak sal baie help.
Werkskepping
word gedoen en dit vorder goed. Die naaldwerk-kamer in
Sonop is fluks aan die gang en die tweede naaldwerk kamer werk ook al
baie
hard. Enige items wat ons hier kan gebruik sal waardeer word
bv.afval-lappies;
materiaal; gare; ritse, spelde, materiaalskêre, patrone,
masjien naalde, wol en
hekel-gare asook breinaalde en hekel naalde. Van die dames is tans
besig om
kombersies te hekel wat hulle vir die bejaardes in die ouetehuis gaan
uitdeel.
Verskillende kleure wol word benodig asook hekel-naalde en brei-penne
sodat
meer vrouens kan deelneem aan hierdie uitreik aksie binne hul eie
gemeenskap.
Hemde,
spoegdoeke, kos-nette en
ander goed word op bestelling gemaak en die fondse word gebruik om die
gemeenskap te help, skoolgelde en skool-uitstappies te betaal, ens. Die
haarsalon is ook goed op dreef en gaan eersdaags heeltemal werk. Ons
benodig 'n
haarkapper-wasbak indien iemand dalk weet waar ons dit kan kry.
Hierdie
vroue werk elke dag, sonder
om 'n salaris te verwag, sodat hulle mekaar en ander in hul gemeenskap
kan
help, opbou en leer. Binnekort gaan die Brei-kamer ook vol in aksie
wees...
Mense wat goeie ondervinding het van breimasjiene en ons kan help om 'n
paar vrouens
tou-wys te maak sal ons baie help. Wol en ander benodighede vir
breimasjiene
sal ook waardeer word.
Vir
Desember het hulle 'n klomp mooi
materiaal sakkies gemaak uit afval lappies wat gebruik was om die mans
en
vrouens se toiletware in te verpak. Hulle is ook besig met 'n doekesak
projek
waar hulle doekesakke gaan maak en vol pak om aan behoeftige ma's te
kan gee
wat niks het nie. Beproefde patrone vir doeksakke, baba kombersies en
babaklere, materiaal of Enige items wat in hierdie doekesakke gepak kan
word
sal baie waardeer word. Babadoeke, spoegdoeke, badgoed, boudjiesalf,
wetwipes,
ens.
Van
die vrouens wat daar
werk, wat eers niks kon doen nie, maak nou al self 'n hemp.
Die vreugde en
trots op hulle gesigte is wonderlik om te aanskou en maak mens se harde
werk
die moeite werd. Elke venster wat 'n gordyn kry en elke leë
sitkamer wat 'n
bank kry word alles deel van die stukkie vir stukkie opbou aan
'n mens wat
gaan lê het na die lewe hul vertrap het. Dankie vir
jul skenkings wat dit
moontlik maak.
Kosmandjie
Kombuis
gee elke middag aan meer as 100 mense 'n goeie gekookte
ete. Tannie Koekie se deur staan oop vir enige persoon wat wil kom eet
en mens
voel altyd welkom. Ons het hier nog 'n vrieskas nodig om vars groente
te bewaar
dat dit bietjie langer gebruik kan word. Vleis, rys, meel,
stampmielies,
soja-mince, groente, speserye, kookolie, margarien, konfyt,
melk en brood
is maar net sommige van die goed wat hier benodig word om vir die mense
kos te
gee. Ook toiletpapier en skoonmaakmiddels word daagliks benodig. Enige
hulp of
skenking sal waardeer word. Staal tafels en stoele / bankies word
benodig asook
borde, glase, ens. 'n Son-sambreel kan baie help vir bietjie koelte
terwyl die
mense eet.
Hulle
maak ook die heerlikste perske
konfyt, tamatie konfyt, aghurkies en ander ingelegde vrugte / groente
om te
probeer 'n inkomste verdien waarmee vleis en ander benodighede
aangekoop kan
word. Hulle boeke word mooi op datum gehou en is beskikbaar vir
skenkers wat
daarna wil kyk.
Huisvesting
word dringend benodig vir talle mense wat sonder heenkome
is of in ander se sitkamer slaap. Wendy huise is die goedkoopste
behuising om
hierdie mense te help maar daarvoor het ons heelwat fondse nodig. Enige
donasie
of hulp hiermee sal baie waardeer word. Baie dankie solank.
Beddens,
kassies, laaiekaste, hout
vir rakke, ens. is orals 'n groot behoefte. Enige meubels wat ontvang
word,
word uitgedeel daar waar die nood die grootste is eerste.
Kospakkies
/ Hampers :
Die Kersfees hamper projek is al vergete maar almal wat kos
en mieliemeel ontvang het, was baie dankbaar. Weet asseblief dat julle
bydrae
ons baie gehelp het om hierdie mense te kon help. Die hampers was
uitgedeel in
Sonop, 2 Groot kampe in Kameeldrif, Hartebeespoort omgewing en
enkele gesinne
in ander gebiede. Die ekstra mieliemeel is ook uitgedeel aan die
Kosmandjie
kombuis, verskeie kindertehuise en arm gesinne.
Die
"Kos-Kas"
wat ons begin het in
Sonop is 'n plek waar mense kan gaan aanklop as hulle vir vanaand of
more niks
het om te eet nie. Hulle kry dan 'n pakkie rys en sojamince of
'n blikkie
vis en 'n pakkie pasta of wat ookal daar is wat kan help dat daar kos
op die
tafel is. Op die manier is daar nou minder mense wat
honger gaan
slaap omdat hulle nie geld het vir kos nie. Ook hierdie goed word
netjies
opgeskryf en persone wat kos ontvang teken dat hulle dit gekry het.
(Let wel :
nooit word iets verkoop nie - dit word gegee met liefde en opgeskryf
net vir
kontrole doeleindes). Badseep, toiletpapier, roll-on,
deodorant, sjampoo,
ens. word ook hier gehou as ons skenkings daarvan ontvang en
die mense wat
nodig het kan dan daarvan kry.
Skenkings
van soja-mince, rys, sop,
blikkies vleis en vis, pasta, blikkies groente, kookolie, speserye en
poeiermelk is maar sommige van die goed waarvan ons nodig het om
hierdie projek
aan die gang te hou en die mense van kos te voorsien.
Ek
kry voordurend oproepe van mense
wat nood het en sonder kos in die huis is, almal trek swaar, oud, jonk
en
ook kinders wat nie verstaan hoekom daar nie kos
is nie.
Daarom
gaan ons vra vir kos
skenkings, nie net vir Kerstyd nie, maar elke maand sodat ons
kan
kospakkies opmaak vir hierdie gesinne. Enige hulp hiermee sal waardeer
word.
Die
proses om die Uitreik Projek te
registreer vat lank maar ons vertrou dat ons dit spoedig afgehandel sal
kan
kry.
Dankie
vir julle tyd, ondersteuning
en gebede waar-sonder ons nie sal kan aangaan nie.
Groete
Bettie
Nel
Uitreik
Projek Koördineerder
http://www.uitreikprojek.co.za
083
327 2314
